ممكن تشاركونا.........يم يم

[تفاحة الوادي]

يالله اعذرونا يمكن تقوللون هذى فاضية..الناس في رمضان في عبادة وهي تتكلم عن الاكل...

بس لاتنسون اني في قسم المطبخ يعني لازم نتكلم عن الاكل شوي..

وحبيت نتشارك في سفرة رمضان..

يعني كل واحد يكتب ماذا يفضل على سفرة رمضان..من الاطباق طبعا..

علشان نكتب الاطباق وطريقة عملها..



ويعطيكم العافية..

[نزيف الدمع]

انا اول شي احب اتفلسف يا تفااحه وبزعجك بطلاباتي وابطلب لين ينفقع بطني هههههههههههههه اول شي انا احب على السفره في رمضان يكون فيه اول شي شوربه مع الحم بس اهم شي عندي يكون لون الشوربه برتقالي مدري ليه احب لونها كيذا ويكون فيه مليوون حبه سمبوسه بلحم والكزبره بس بدون اي شي ثاني معها ويكون فيه تسع جيكات فيمتو ويكون فيه تمر اخلاص مع قشطه المراعي البيضى ويكون فيه هريس وجريش ويكون فيه لقيمات مع خليه نحل واصابع الملكه وفيه احلى مكروونه عندي مكرونه حقت رفعه جارتنا ما اعرف وش اسمه مكرونه حقتهم كتبت اسم جارتنا يمكن تعرفون المكرونه حقتهم ههههههههههههههههههههه <--- منسم ونكبه
وبس هاذي طلابتي على السفره يا تفاحه لا يكون كثرنا عليك بس الى يبي يكرم يتجمل هههههههههههههه <---- نذل يبي يعذبك هههههههههههههههههه
تحيااااتي لك ولكم واسفين على الفلسفه تفااحه

[أمير الليل]

انا والله اعرف اسوي عين بيوض


خخخخخخخخخخ


اقصد بيض عيون خطير في الموضوع هذا


لا من جد الحين


انا بقولكم على اكله بس المشكله ما اعرف المقادير زين


المهم


تعرفون الصوص هذاك اللي يستخدمونه الصينين في الطبخ



بس هذاك هو اشترووووه



ونجيب قطع لحم دجاج بدون عظم



ونحط زبدة شوي بس


ونحط البصل ونحط معاه فلفل رومي قطع


وجزر وملفوف هذاك اللي لونه بنفسجي


((( عاد فشيله لو يطلع شي ثاني غير الملفوف )))


ونسوي كشنه عااادي


وبعدين نضيف الصوص والدجاج وندمرها الين تستوي


من جهة اخرى


((( حلوه من جهة اخرى هذي عجبتني )))



نجيب خبز فرنسي - هذاك الصامولي الطويل -


الله يستر لا يطلع مو فرنسي بعد


المهم


ونقطعه نصفين بالطول


ونقطع كل نصف الا ثلاثة او اربع قطع بالعرض



وندهن من داخل (( على حشوة الصامولي يعني ))


شوي زبده


ونحط جبن مبشور على الزبده ونكثر حسب الرغبه


ونحط بالفرن عشان يسيح الجبن ويصير شكله دماااار


وخلاااص


نقدمهم مع بعض


صحه وعااافيه


الاكله هذي سويتها انا واطلعت جنااان صرااااحه


ملااااحظه مهمه :


كلمه دماااار : تعني روووعه في الاستخدام الشخصي لملافظي


خخخخخخخخخخخخ


سلاااااااااام

[تفاحة الوادي]

امير المشاعر هنا حياك الله

تسلم يدك امير الليل
باين عليها اكله حلوة
راح اسويها
وما انساك يالدعاء
مشكوووووووووووور على مرورك

[عبدالمحسن]

السلام عليكم ورحمة الله وبركاته

متأخر ...صحيح
لكن .... لسه ... أحنا فيها


أحب السمبوسه كوجبه رئيسه على سفرة رمضان
الشوربة
فنجانين قهوة تقند الراس ...

والمميز هنا ... اني أحبها من يد أم محمد الله يحفظها ... هي اللي حببتها لي ...

[أمير الليل]

تسلمين تفاحه
مشكوووره


يا مدير ترى لازم تسوي السمبوسه اللي قلت عليها
نبي طبخ هنا
ما نبي بس والله انا احب وانا ما احب
نبي شغل
الله لا يهينك جب رقاقك ولحمتك وافرم وازبط الشغل
وقول لنا على الخطوات خطوه خطوه
يالااااا بنستنى

خخخخخخخخخخخخخخ

[تفاحة الوادي]

هلا والله بمديرنا الغالي
ترى المطبخ تحت امرك
ومشكوووووووووور على مرورك

امير الليل ...اضحكتني صراحة
تخيلت مديرنا ماخذ الرقاق والسمبوسة
وقاعد يلف... ماتركب...

احنا هنا في قسم الطبخ
وفي الخدمة
ما عليكم الاكتابة ماتفضلونه
ونحن نحاول ان نقدم الطبق مقادير وطريقة

ولا مانع من مشاركتكم معنا في تقديم
اختراعاتكم ...
لان بعض الرجال عليهم طبخات >>>>>>>>>>>(دمااااااار)>>>>>>>>>
على قولة امير الليل


مرحبا ألف بكل من شاركنا ومر على مطبخنا

[حبيب عمري]

http://www.up07.com/up6/uploads/34743d5f0a.gif (http://www.up07.com/up6)
http://www.up07.com/up6/uploads/bc1d2a3bbc.gif (http://www.up07.com/up6)
http://www.up07.com/up6/uploads/56da65d137.gif (http://www.up07.com/up6)
ياطويل العمر هي هذي المقادير اللي اتوفرة معايه
يعني طبخه من جنبها

[أمير الليل]

والله ياحبيب عمري عندك مشكله مع الصور

دايما ما تتطلع

مدري هو عندي والا عند الكل

وبعدين اشمعنا صورك انتي هي اللي ما تطلع

وباقي الصور وضعها زين

اشتري كمرا جديده

خخخخخخخخخخ

المهم

طبختنا اليوم سريعه حقت اللي جايع ويبي يمشي
حاله بأي شي ويشترط يكون عزوبي بعد

هي مو طبخه طبخه

يعني تجهيز بمعنى اصح

أولا

نجيب طبق الشوربه الصيني
هذاك اللي زي الطاسه بس على كشخه شوي
صيني طبعا لازم يكون كاشخ

ونفتح علبة تونه (( العلالي زينه ))
ونحطها بالصحن
ونجيب ملعقتين كبيره جبنه كاسات ونحطها عليها
ونخلط زين لين تصير مزيج
ونجيب علبه زيتون اسود مقطع بدون عجم
ونحطه للزينه
ونحط شطه اذا نبي واذا ما نبي بلاش
وبالعافيه

قسم تسلم من الجوع 12 ساعه
خخخخخخخخ

((( مجربه )))